|
И З В Е С Т У В А Њ Е |
| Согласно најновите измени во Законот за платен промет (“ Службен весник на РМ ” бр .113 од 20.09.2007 година ) кои стапуваат во сила на 01.01.2008 година , Ве известуваме дека почнувајќи од 01.01.2008 година платниот промет во земјата ќе се извршува исклучиво преку трансакциски сметки . Поштенска Банка АД , Скопје отвори трансакциски сметки за своите постоечки клиенти . Трансакциската сметка треба да ја користите за сите уплати и исплати кои ќе ги правите на / од тековна сметка , штедна книшка , платежна картичка , кредит и сл . со платните инструменти пропишани во Упатството за формата и содржината на платните инструменти за вршење на платниот промет во земјата ( ПП 10 - Уплатница , ПП 40 - Налог за исплата на готовина , ПП 30 - Налог за пренос ). Во прилог следат информации за начинот на вршење на уплатите и исплатите од физички лица: |
При уплата со готовина (Образец ПП10 -Уплатница) на трансакциска сметка да се користат следните шифри за плаќање за наведените основи на уплата:
• уплата на трансакциска сметка (шифра 830 )
• уплата на штедна книшка (шифра 832 -депозит по видување, 833 -орочен депозит)
• уплата на рата од кредит (шифра 514 -потрошувачки кредит, 515 -станбен кредит)
• уплата на платежни картички (шифра 513 -кредитна картичка, 831 -дебитна картичка) |
При исплата (Образец ПП40- Налог за исплата на готовина ) од трансакциска сметка да се користат следните шифри за плаќање за наведените основи на исплата:
• исплата од трансакциска сметка (шифра 873 )
• исплата од штедна книшка (шифра 871 -депозит по видување, 872 -орочен депозит) |
При безготовински пренос на средства (Образец ПП30- Налог за пренос ) од трансакциска сметка да се користат следните шифри за плаќање за наведените основи на пренос на средства:
• пренос од трансакциска сметка на штедна книшка (шифра 523 -депозит по видување, 524 -орочен депозит)
• пренос од трансакциска сметка на платежни картички (шифра 527 -дебитна картичка, 463 -кредитна картичка)
• пренос од трансакциска сметка на кредит (шифра 464 -станбен кредит, 465 -потрошувачки кредит) |
| Документи: |
Ebanking пријава  |
| БАРАЊЕ ЗА ОТВОРАЊЕ НА ТРАНСАКЦИСКА СМЕТКА ЗА ФИЗИЧКИ ЛИЦА |
| ДОГОВОР за отворање и водење на трансакциска сметка за физички лица за вршење на платен промет во земјата |
| ПРИЈАВА на овластени лица за располагање со средствата на трансакциската сметка за физички лица |
Согласно измените во Законот потребно е при првото појавување на шалтерите на Банката и Пошта за отворените трансакциски сметки да пополните и потпишете формулари за отворената трансакциска сметка кои ќе ги добиете од службениците и тоа :
• Барање за отворање на трансакциска сметка за физички лица - 2 примероци ;
• Пријава на овластени лица за располагање со средствата на трансакциската сметка за физички лица - 2 примероци ;
• Договор за отворање и водење на трансакциска сметка за физички лица за вршење на платен промет во земјата - 2 примероци и
• Барање за користење на e-banking системот на Поштенска Банка АД , Скопје доколку сакате да ја следите состојбата на Вашата сметка на интернет - 1 примерок ( овој формулар е незадолжителен го пополнувате доколку сакате да ја следите состојбата на Вашата сметка на Интернет , останатите формулари се задолжителни )
Напомена : Задолжително со себе да понесете фотокопија од важечка лична карта или патна исправа за сопственикот на сметката која останува кај Банката . Доколку сакате да овластите и друго лице како потписник на Вашата сметка потребно е да доставите за него писмено овластување потпишано од сопственикот на сметката и фотокопија од лична исправа на лицето кое се овластува кои исто така остануваат кај Банката .
По потпишувањето на формуларите за отворената сметка истите остануваат во Банката / Македонска Пошта , а по еден примерок од истите ќе Ви биде доставен по пошта на адресата наведена во Барањето за отворање на сметката за Ваши потреби по потпишување на истите од страна на овластените лица на Поштенска Банка АД , Скопје .
Поштенска Банка А . Д ., Скопје
Дирекција за платен промет во земјата
|
